المشاركات: كريستينا حزبون – نوف ناصر الدين – نور أبو عصب
مكان التسجيل: لندن
نص الحلقة
نوف : مرحبا اهلا وسهلا فيكم بالحلقة الثانية من سلسلة حلقات التضامنات النسوية مع فلسطين على راديو مساحة
( معرفة نسوية متاحة )
اليوم حيكون معاكم نوف وكريستينا ونور اليوم حلقتنا هي تكملة للحلقة الماضية اللي ركزنا فيها على ليش القضية الفلسطينية هي قضية نسوية ؟ اليوم رح نبلّش بالسؤال الكبير اللي طرحتو كريستينا بالحلقة الماضية عن شكل التضامنات
كريستينا بتحبي تعيدي السؤال عشان نزكّر المستمعين والمستمعات فيه ؟
كريستينا : طيّب وحدة من الاسئلة اللي بتطرحوها هي ايش اشكال التضامن النسوي مع القضية الفلسطينية اللي يمكن من خلالها تجنّب اعادة انتاج مفاهيم القومية والوطنية المشحفة بحق النساء
نوف : نور ايش رأيك ؟
نور : بس وحدة من النقاط الاساسية من التضامنات النسوية اللي انا شخصياً كفلسطينية بفكّر انّي بشجعها انو لمّا يكون في حراك نسوي دائماً اللي عم يقودو هادا الحراك النسوي يسألو حالهم ويخاطبو نفسهم هل بالحراك هادا اللي انا عم بعتبرو نفسي انا عم بعمل مساومات على حساب مجموعات اخرى او ناس تانيين ؟ سواءً كانو فلسطينيين او غيرهم
هل انا بالحراك النسوي هادا عمبعيد انتاج برضو الادوار المفروضة على النساء تلعبها والاعم والا لأ ؟ عم بشجع الاختلاف وعم بشجّع انو يكون في ناس الناس اللي بتتبنّى ادوار مختلفة عن العامة برضو يكون الها مساحتها بالحراك النسوي تاعي وبفكّر وحدة من الاسئلة اللي دايماً لازم النسويات يسألو حالهم ياها انو خصوصاً لما بنفكّر في حقوق المرأة عشانها صارت جزء من منظومات مجتمع المدني وصار في عنّا منظّمات اللاحكومية وصار في عنّا كتير اشكال من كتير اشكال مؤسساتية للحراك بشكل عام لانو هادا الاشي صار موجود انو نسائل حالنا انا هل ب انو ازا باخد هدا التمويل عمبكون عم بتواطئ مثلاً مع حلف ضد القضية الفلسطينية ؟ وهوني بيجي كمان اشي كتير اساسي هوي المقاطعة اللي هي رح نتطرقلها بحلقة منفصلة لحالها
كريستينا : المقاطعة اللي هي مقاطعة البضائع ما الى ذاك؟ البي دي اس BDS
نور : اه بالزبط المقاطعة التجارية اللي هي على مستوى البيع والشراء وبدنا نحكي كمان على المقاطعة الاكاديمية و الثقافية كمان
واسائل نفسي انو هل هادا محل انا لازم اقاطع فيو واعمل انو واعملها يعني موقف من اجل فلسطين مثلاً ؟
هل هل في كمان اشياء تانية بقدر اسوّيها اللي هي تكون مناصرة لقضية فلسطين ؟ لانو احنا بنشوف قضية فلسطين هي قضية من اهم القضايا الموجودة في المنطقة عنّا وهي من من اهم بنقدر نسميها هي بتقدر تكون مرجعية النا في حراكنا السياسي المرجعية تعتنا في تحديد احنا عم نضامن مع مين واحنا ضد مين بنفس الوقت .
نوف : انا الاشي اللي بفكر في بعتقد انو مش اللي بفكر فيو من ناحية التضامن التضامنات اللي احنا ممكن نخلقها كنسويات او مثلا مع بعض عشان عشان نعمل حراك نسوي ممكن يفيد قضيتنا كفلسطينيين وفلسطينيات اهم اشي انو نفكّر انو ممكن بدي اعيد شوي على نور اللي حكتو انو نفكّر ليش عم نعمل هادا التضامن ونفكّر كمان انو للاسف الاشياء اللي بتصير بفلسطين انو احنا كمان تجربتنا بتختلف بدي ارجع كمان للتقاطعية لانو التقاطعية كتير اشي مهم هون فالناس اللي بتتظاهر خلينا نقول ب يافا نساء فلسطينيات بيطلعو ضد الاحتلال وضد كمان جرائم الشرف اللي بيرتكبوها
كريستينا : كتير ACTUALLY منتشرة بيافا
نوف : منتشر جداً وبمدن بما يسمّى( الداخل ) بين اقواس كتير من النساء بيقلك فلسطينيات ممكن عايشين جوا الضفة او بمحلات تانية بيقلك لا ما بنفعش انتو هلق تحكو هادا بنفعش تحكو عن جرائم الشرف هلّق لانو في عنا احتلال بيطلعو نسويات بيحكو هادا الحكي انا برأيي انو ايشي كتيركتير كتير مهم انو نخلّي النساء نفسهم يحددو ايش هو الاساس بالنسبة الهم او لا ايش الاولويات تاعيتهم ازا النساء ب يافا حابين يطلعو يتظاهرو ضد المجتمعات اللي بتقمعهم اللي هو كمان بيتقاطع مع الاحتلال الصهيوني يطلعو يطلعو يتظاهرو فالتسكيت تسكيت بعض وكمان اعادة تعزيز الفكر الذكوري على بعض انا بشوفو كتير خطر بحراكنا النسوي السياسي
كريستينا : وهل في يعني انا مثلاً بقعد افكّر ف انجيلا دايفيس مثلاً والبلاك بانثرز وكيف وسوري انو عم باخدو بطبّق على African American بس انو كحراك انو كان في بينهم تنظيم هل هيك اشي موجود عنا بفلسطين؟
نوف : طبعاً موجود I think اهم اشي بعتقد انو اهم اشي نفكر فيو انو لما النساء بدهم يحشدو نفسهم بغض النظر ممكن نساء يكونو عايشين ببيوتهم ما عندهمش اي نوع وظيفة يعني وظيفة بطريقة تقليدية نساء حكو انو احنا بدنا تطلع نتظاهر ما دام النساء اخدو هادا القرار مش لازم نزاود على بعض وهادا انا برأيي التضامن النسوي اللي لازم يصير ازا انا ممكن اختلف مع هدول النساء وممكن لأ بس بما انو النساء هدولا عمبيشوفو انو من وجهة نظرهم من موقعيتهم بيشوفو هاي المظاهرات مهمة معناتو لازم نتضامن مع بعض فأنا يعني لازم نكون كتير حريصين بفكرة كيف ممكن احنا نشكّل هاي التضامنات وكيف ممكن يكون شكلها وليش عم نعملا ونسأل نفسنا انو احنا ليش عم نعملها ورجع للموقعية تعيتنا يعني اظن كل حدا بيعمل الاشي اللي بيعملو من محل ما هو شايف يعني تجربتنا بتأثر بالقرارات اللي احنا بناخدها
كريستينا : اكيد واظني وحدة من الشغلات اللي صعب احنا نشوفها هي من موقعي انا اشوف شو انتي شايفة من موقعك انتي
نوف : بالزبط
كريستينا : وكيف بدي اوصّلك كيف ممكن نتبادل موقعيتنا ؟
نوف : عشان هيك النقاش وال dialogues لازم تكون دائماً مفتوحة يعني كمان بين نسويات يعني عشان هيك انا دايماً بقول انو النسوية مش مدرسة وحدة النسوية هي عبارة عن مدارس مختلفة وهلق في كمان بيتقاطع معها الاجيال يعني احنا بنلاقي مثلاً النسويات اللي الاعمار اكبر غير عن تفكيرهم وكان السياق اللي طلعو فيو والحراك اللي عملو بيختلف عن على على بأعمارنا وحتى الازغر منا احنا ففي مدارس مختلفة نسوية وبتخايل احسن اشي انو نترك مجال لبعض يعني اللي بالأكبر عمرانو يتركو مجال للازغر شوي انو طلعو الحراك الحراك النسوي بسياق سياسي معين بيتقاطع مع الاقتصاد والسياسة والاجتماع فهلّق احنا سياقنا كتير بيختلف يعني شكل الاحتلال قبل 70 سنة او 50 سنة بيختلف كتير عن شكل الاحتلال هلّق فطبيعة الحراك النسوي انو يكون بيختلف فهادا الاشي كتير مهم لما نفكّر بالتضامنات النسوية اللي لازم نخلقها
نور : اكيد اكيد ويمكن كمان لازم ما ننسى انو تحديدا فيما يخص قضايا النساء الفلسطينيات انو الاحتلال لعب دور كتير كبير في دفع النساء الفلسطينيات ناحية الاطار خليني اسميه الخاص او اطار المنزل او اطار اعادة انتاج اعادة انتاج الامّة بحد ذاتها كدور انجابي وكدور تربوي ومجرد انو نساء تطلع كمان تحكي انو احنا بدنا نطلع من هدا من هي الاطارات اللي نفرضت علينا بحكم الاحتلال الابوي الموجود اساساً والاستعمار الابوي هادا فكتير مهم انو للنسويات يوصّلو محل يقدرو يتعاملو مع الاختلاف ويقدرو يتعاملو مع اختلاف التجارب وتعددية التجارب مدام مثلاً اشخاص ونساء معينات حابين يطلعو يتظاهرو ضد الاحتلال حابين يطلعو يتظاهرو تحديداً ضد جرائم الشرف هادا الخيار بيرجعلهم فيها ومش لازم دايماً نحكي انو في اشي الو اسبقية على الاشي التاني هاي تجاربنا كلها مهمّة بالنسبة النا وكل كل الانظمة القمعية اللي بنمر فيها سواءً كانت الابوية او استعمارية او امبريالية او ايش بدنا نسمّيها بتشكّل ميا احنا وبتشكل خياراتنا كمان .
نوف : فالأشي كتير اساسي اللي لازم كمان نشدد عليه زي ما حكينا انو القضية الفلسطينية كتير قضية نسوية ولازم تكون قضية يعني لازم نتطلّع عليها من منظور نسوي تقاطعي بسبب الانظمة القمعية المتعددة والمختلفة اللي بتوقع علينا يعني احنا كنساء فلسطينيات احنا التلاتة جايين من مناطق مختلفة بفلسطين بتخيّل بسبب النظام القمعي الابوي والصهيوني والكيان الصهيوني الموجود احنا من احنا من من من من تجربتنا معو كتير بتختلف فعشان هيك بالزبط تعددية التجارب باختلاف التجارب هو بحدد كيف ممكن نتضامن وكيف ممكن كمان احنا نقاوم هادا النوع اوجه القمع المختلفة فعشان هيك بنشوف القضية الفلسطينية قضية نسوية اللي كمان كمان مرة نرجع نعيد مالهاش دخل بس بالنساء الها دخل بالتجارب المختلفة وتعددية التجارب اللي احنا بنعيشها بغض النظر نساء رجال اطفال اعمار مختلفة اجسام قابلة وغير قابلة كمان اشخاص معياريين وغير معياريات فهي في اكتر من عامل لازم نتطلّع عليه بس انو موجود بس كمان لازم نفكفكو يعني كمان لازم الست الفلسطينية لازم تمارس بسبب صارت هي ام شهيد او بسبب انو ابنها نسجن لازم يبوق عليها دور معين لازم تمارسو فبمقابلات تعيتنا كنا عم نحكي عن صبية فلسطينية مات جوزها فبعد ما مات زوجها قدّي نفرض عليها ادوار مختلفة اضطرّت تلبس الحجاب اتطرت تبطل تروح عالجامعة او حتى تروح عالجامعة لازم تروح مع حدا من اهل جوزها فبسبب بسبب التجربة تعيتها انو هي صارت ام sorry زوجة شهيد وقع عليها ادوار مختلفة فهادا كمان انا مثلاً كفلسطينية ما حسيت لا اني ام شهيد ولا اخت شهيد ولا مرت شهيد يعني فطبيعي انو تجربتنا بتختلف وكتير مهم كمان نتطلّع على تجارب النساء اللي بتختلف انو كيف كمان الادوار اللي بتوقع علينا كمان احنا علينا كنساء بتختلف بموقعيتنا وين احنا موجودين بهداك السياق هدا كمان مش لازم نختفلو نخفلو
نور : وبرضو مش لازم ننسى انو نفسا هاي زوجة الشهيد او ام الشهيد هي صارت زوجة شهيد او ام شهيد بسبب الاحتلال نفسو
كريستينا : طبعاً
نور : والادوار هي صح يمكن ثقافياً انسقت لها بس كان ما صارت لو ما كان في احتلال من الاساس بهادا الشكل
كريستينا : انو تمّ تعزيزها
نور : فالاحتلال بيلعب دور كتير كبير بترسيخ المفاهيم الابوية ومش بس حتى ترسيخا كمان خلق مفاهيم ابوية جديدة او ذكورية جديدة يعني ازا بنتطّلع على الحراك النسوي اللي كان تحديداً ضد الاستعمار الانكليزي بفترة العشرينات و التلاتينات واول الاربعينات كان في حراك جداً قوي في فلسطين اللي كان يحاربو من خلالو الاستعمار الانكليزي وكانو يقومو كمان كان حراكهم كمان عابر للاقطار والحدود يعني كانو كتير يجتمعو مع نسويات في مصر يجتمعو مع نسويات في لبنان وكان الهم هدول النسويات ترابطات كتير قوية في باقي المنطقة الموجودة حولينا للأسف ومع ترسّخ الاحتلال في منتقطنا ومع الحدود اللي انفرضت على الاجساد الفلسطينية سواءً رجالاً او نساء او ولاد او اشخاص عير معياريين اللي صار انو خلق نوع من انواع العزلة هادي الابوية او الذكورية اللي خلّت قضية فلسطين قضية معزولة عن باقي المنطقة المتكلمة باللغة العربية ومعزولة عن باقي الحراكات النسوية اللي بتصير يعني ممكن هلّق نصير مثلاً في بيصير ائتلافات او شبكات للنسويات الفلسطينيات مع النسويات التانيات بالمنطقة بس ما بنشوف حراك فعلي عابر للاقطار اللي هوي مضاد للاستعمار ونسوي بنفس الوقت زي ما كنا نشوف زمان
كريستينا : زكرتيني عالآخر في شي اسمها نهيلة من باب الشمس بعرفش ازا كنتو قرأتو كتاب الياس الخوري انو اظني هي اسمها نهلة نهيلة وبتكون هي هي الام وبيكون هو بيروح على لبنان ودايماً بييجي بيلتفي فيها فالمغارة فباب الشمس ودايماً من بعد كل لقاء بيصير في ولد وكيف بتم تصوير المرأة بس كمان كيف بتم عبور الحدود
نوف : وكمان في اشي كتير مهم بدي اضيفو انو بكل مجتمع بيكون في عنا ادوار للنساء والرجال بغض النظر يعني كمان خليني اقول ادوار مجتمعية بس هي الادوار المجتمعية بتختلف حسب السياق حسب كل دولة وين ولازم كمان كتير نفكّر انو بنقدرش كمان نفكّر بهدول الادوار بدون ما نفكّر بكيف تأثير الاستعمار الخارجي اجا علينا اي استعمار خارجي بيدخل على اي دولة او اي مكان بيغيّر لبّة المجتمع بيصفّي الاشياء اكتر محافظة بيصفّي الاشخاص اكتر بتحافظ على ايش هو ال( authentic) او ايش هو (pure )او ايش هوي الاشي (الاصلي) خليني احكي هاد طبعاً بين اقواس فأنو كمان لازم نفكّر انو لازم نفكّر بتقاطعية بهاي الاشياء انو كيف كمان عنجد الاستعمار مثلاً كتير بيأثر مثلاً كتير من النساء هلّق بيقدروش يروحو عالمدارس اوحتّى يعني انا بتزكّر وقت الانتفاضة التانية قديش تصعّبنا نروح على مدارسنا بسبب الانتفاضة قديش نساء ورجال حتى اطفال لهلّق قديش في بيتركو المدارس بسبب انو بسبب الاحتلال فهادا بيغّير من لبّة المجتمع فبينفعش كمان نفكر بالاشياء الاجتماعية والاقتصادية بغنى عن الاشياء السياسية اللي عم تصير بهادا بالمجتمعات تعيتنا هادا اشي كتير كتير مهم وكيف بيأثر على العلاقات بينا كأشخاص عالعيلة كيف ديناميكيات العيلة بتختلف
كريستينا : بيأثّر كتير لانو كمان اظني في دور كتير كمان تغّير خاصةً بعد الانتفاضة الثانية هوّي دور الرجل والمرأة في البيت انو كتير من تحسي انو اولاً مع حدّ حرية الحركة كتير من الرجال اللي كانو مثلاً يطلعو يشتغلو في البنى بطّلو يقدرو ووقع على عاتق المرأة هي اللي تعيل العيلة
نوف : بالظبط
كريستينا : وهادا كان عندو تأثيرات كبيرة على العائلة على الرجل كيف بيشوف حالو كرجل وعلى الأمرأة كيف بتشوف حالها كأمرأة وتركيبة العيلة
نوف : بالزبط هاي كلها بتأثر على الداينمكس يعني كمان لمّا انتي في اديش كمان لما بنفكّر يعني كمان الفكر النسوي التقاطعي بيخلّينا نفكّر بالحدود ومش عم بحكي عن الحدود بين مثلاً الاردن وفلسطين لا لا عم بحكي عن الحدود اللي خلقت ضمن فلسطين نفسها وقصدي بالحدود هي مش معابر قصدي بالحدود مثلاً الحواجز الصهيونية اللي بتصير كمان بيأثر علينا كيف انو بيصير في انعزال بيصير حتّى اللهجة كتر بتختلف حتى تجربتنا احنا كفلسطينية قديش بتختلف وهادا قديش كمان بيأثر علبّة المجتمع بيصفّي انو ازا انا بفكّر اروح عرام الله حتخدني ساعتين برحش عرام الله بصفّي قاعدة يعني قدّي بصفّي
كريستينا : وادي النار ههه
نوف : مثلاً انو قديش كمان هادا بيخلق نوع من تفكيك التفكيك بالمقاومة الفلسطينية التفكيك بلبّة المجتمع الفلسطيني بيصفّي انو احنا عنجد كل حدا جاية من مكان وهادا مش اشي organic هادا مش شيء عضوي
كريستسنا : اه لأ
نوف : يعني نفرض علينا
كريستينا : ونحن بننسى ونحن بننسى وكتير مرّات بنتعايش معو وبنرضى بالواقع وهو صعب انو الواحد يفكّر اوكي الواقع هيك كيف انا ممكن اخرج عن هادا الواقع بطريقة انو انو ما اضطر اقاوم المجتمع اللي انا فيه ويكون ضمن طاقاتي اللي هو مش سهل يعني مثلاً لما بقعد افكّر في كيف كيف الناس عنا بعبرو من منطقة لمنطقة كيف الناس اللي ما معهم تصريح لبيتطرو يدخلو مثلاً من اماكن مجاري حتى فبتسيري تفكري انو همي متطرين يعملو هيك هادا جسدهم اللي بمر ضمن هاي الجغرافية اللي كلها مفروضة من هادا الاحتلال لكن ايش البديل ايش ممكن احنا نعمل ؟
نوف : هادا السؤال كتير كبير لان كل حدا بيعرف طريقتو يعني كمان نرجع عالموقعية ممكن انا مقاومتي اعملها بطريقة كتير بتختلف عن مقاومة حدا عايش يعني ممكن كمان كتير نساء اللي بيروحو كل يوم بيقطعو الحواجز بيروحو من رام الله عالقدس عشان يبيعو منتجاتهم الزراعية
كريستسنا : اه اه فلّاحات
نوف : هاي مقاومة انا ابوي لما يروح كلّ يوم على شغلو يفيق الصبح هاي كمان مقاومة بالعلم مقاومة لمّا المجتمع الفلسطيني يضلّو يحث انو لازم الناس يتعلّمو وقت النتفاضة الثانية لمّا الناس صارت تروح رغم من كل الحواجز والطخطخة اللي تصير يروحو عالجامعة ويضلّو مستمرين بالتعليم يعني اظني المقاومة بتاخد اكتر من شكل يعني وكمان المقاومة بتاخد اشكال مختلفة بسبب موقعيتنا احنا بسبب الطبقية تعيتنا بسبب وين احنا موجودين وكيف الاحتلال بيأثر
كريستينا : الحواجز صح
نور : يمكن بدي احكي كمان شوي زغيرة على فكرة تقاطعية النضالات مش بس كتقاطعية تجارب انو لمّا بنفكّر بتقاطعية النضالات يعني احنا اليوم مثلاً عمنسجّل من لندن التسجيل هادا عم يصير في جامعة ساوث اللي هي جامعة بتعتبر حالها من الجامعات يعني لي لما بتدرس المنطقة عنّا هي بتدرسها بالطريقة الصحيحة بطريقة مش استشراقية وكل هالحكي وانو في كتير اكاديميين واكاديميات بيض اللي بيشغلو على موضوع ( فلسطين) بين اقواس وعلى ( قضية فلسطين) بين اقواس بيفكّرو حالهم انو همي عم يعملو كتير منيح للقضية الفلسطينية بمجرّد انهم يطلعو يحكو عنها لمّا بنفكّر في هادا الاشي من منظور تقاطعية النضالات بنفكّر مثلاً بالناس البيض اللي عايشين في لندن ايش بيقدرو يعملو عشان يدعمو القضية الفلسطينية في كتير اشياء برضو محليّة بيقدرو يعملوها عدا عن انو يقعدو يدرسو الفلسطينيين والفلسطينيات يعني في كتير من الشغل اللي ممكن يصير على الحد من تجارة السلاح في كتير من الشغل اللي ممكن يصير على المقاطعة والمقاطعة الاكاديمية وحتّى مش غلط يبلشو يشتغلو عليها من محلات سياسية كمان على مستوى سياسي يصير مقاطعة والاشياء اللي يعني اللي عم بحاول احكي اظن انو نقدر نشتغل مع بعض ونشتغل على تقاطعية هاي النضالات بس بنفس الوقت من محلات اللي احنا قاعدين فيها يعني مش بالضرورة احمل علم فلسطين وانزل بمظاهرة بنص لندن ولا احمل احمل علم فلسطين وحتى انزل مظاهرة بتونس عشان احكي انا مع القضية الفلسطينية ممكن اشياء تانية اللي الها دخل بسياق بالمحل والسياسات تاعت المحل اللي انا قاعدة او قاعد فيو هي اللي تكون مأثرة ايجابياً اكتر على موضوع فلسطين من انو امسك العلم وامشي فيو
نوف : هادا اشي كتير مهم لمّا بنفكّر بالناس اللي جايين من الشمال العالمي بنفكّر كمان انو همّي كمان بدن يتضامنو مع القضية الفلسطينية يتضامنو مفيش مشكلة بس كمان لازم يتسائلو عن موقعيتهم وكيف بتأثر موقعيتهم على هل همّي عم بيساعدو القضية الفلسطينية ولا عم بيسكّتو ناس فلسطينية تانيين لانو في كتير ناس من البيض اللي بيشتغلو على القضية الفلسطينية كتير neutral خليني احكي بطريقة كيف همّي بيفكّرو حالهم عم بيناضلو بالقضية الفلسطينية فكمان لازم يعني الموقعية تعيتنا وايش الرسالة اللي همّي عم بيحاولو يتوجّهولها عشان يدعمو القضية الفلسطينية لازم كمان يتسألو نفسهم يعني انا برأيي كمان اي حدا بيضامن مع القضية الفلسطينية لازم يسمع من الفلسطينية نفسهم الفلسطينية نفسهم همّي اللي بيحددو كيف نوع النضال لازم يكون كيف التضامن لازم يكون همّي اصحاب هاي القضية همّي اللي لازم يختارو الطريقة المناسبة الهم وكيف الناس التانيين لازم يتضامنو معهم انا برأيي هادا اشي كتير مهم الواحد يعني
كريستينا : لا 100 بال 100 لانو لازم يصير في نوع من التوعية اظن للمعرفة انو اوكي نحنا والاتفاق كمان انو نحنا هادا النوع من التضامن اللي بدنا اياه مثلاً
نوف : بالزبط بس يعني مثلاً يعني انا بالنسبة الي ك نوف بطلعش مظاهرات في لندن مع القضية الفلسطينية لان بحس حالي انو بصراحة مش مرتاحة مع الهادا لانو بحس حالي زي القطيع بناخد نحنا ازن من المظاهرات انا برأيي مش هيك المظاهرات لازم منخدش ازن من نفس الدولة اللي هي بتقمع اصلاً والشرطة تكون عم تحمينا عشان نطلع مظاهرات انا بعمل تضامني كفلسطينية او حتى انا ال مش تضامن هيي مقاومة فلسطينية تاعتي بطريقة انا بشوفها مناسبة الي فأنا بقول يعني اي زي ما حكت نور التضامن ممكن يصير من اي مكان مش ضروري نكون جوا فلسطين عشان نتضامن بالعكس احنا عايشين بعالم هلق زغير كتير والحدود مفتوحة الى حدّ ما طبعاً للناس اللي عندهم امتيازات بس انو اللي عم بحاول احكي انو التضامن بياخد اشكال عدة بس لازم هادا التضامن يكون عنجد مع القضية الفلسطينية والناس اصحاب القضية همي يقودو هادا النوع من النضال
كريستينا : اوكي هيك بنكون وصلنا لنهاية الحلقة وبس لحتّى نعيد مفاهيم رئيسية مرقنا عليها نحنا بلّشنا هاي الحلقة بسؤالنا انو هل يمكننا اعتبار قضية فلسطين قضية نسوية ؟ وبأي شكل ؟
نور : انو اكيد بنقدر نعتبر قضية فلسطين قضية نسوية قضية فلسطين فعليّاً بنقدر نستخدمها كمرجع اساسي لأي حراك بدو يصير عنا بالمنطقة لانها هي القضية اللي استمرت فوق السبعين سنة واللي الها علاقة مباشرة بمفاهيم الابوية وبالسيطرة على الاجساد من خلال الحدود والسيطرة على حياة شعوب بأكملها وقضية فلسطين قضية نسوية مثل متلاً كمان قضية اللاجئين قضية نسوية قضية المهاجرين والمهاجرات قضية نسوية قضية العمّال والمهدورة حقوقهم برضو قضية نسوية فأكيد القضية الفلسطينية هي قضية نسوية
نوف : وكمان اشي انو القضية يعني القضية الفلسطينية قضية نسوية كمان لانو لتقاطعية التجارب اللي احنا بنعيشها كمان مرّة لانو احنا القضية الفلسطينية قضية نسوية لانو مش بس النساء اللي بيتأثرو بسبب الاحتلال الصهيوني والانظمة التانية المختلفة انو كل الشعب الفلسطيني بيتأثر بغض النظر ازا عايش على ارض فلسطين او حتى بلشتات او بمخيمات اللجوء اللي بالدول العربية المجاورة فهي بتخلّينا نتطلّع على كل تجارب الفلسطينية بطريقة متعددة ومختلفة .
كريستينا : تمام شكراً كتير
نور : شكراً
نوف : شكراً
كريستينا : وبنلقاكم في الحلقة القادمة من مساحة
